En ógeðslegt...

Rosalega er þessi leikur skemmtilegur. Maður verður alveg húkkt á honum eftir fyrstu spilun. Ég hef nú reyndar ekki gert mikið meira en einmitt það. Spilað hann einu sinni. Kannski ég skelli mér aftur í hann núna. Fyrst ég hef svona mikinn tíma og ekkert að gera. Engin skyldustörf. Ég ætti að fara að taka meira upp á því að glaðvakna um miðja nótt. Nú er ég búin að skemmta mér ein inni í herbergi, eins hljóðlátlega og ég get að sjálfsögðu, síðan um fjögur leitið. Mér finnst ég svo ein í heiminum. Þetta er samt rosalega notalegt. Liggja bara upp í rúmi og hlusta á næturútvarpið og lesa bók. Ekki að Yosoy sé mjög notaleg bók. Þvert á móti. Frekar óhugnaleg. Það er skondið að fá allt í einu nokkra aukatíma upp í hendurnar til þess að gera ekkert við. Mig langar að vera svona manneskja sem þarf ekki meira en fimm tíma svefn að meðaltal. Hugsa sér hvað ég gæti gert við tímann. Fundið lausn við öllum vandamálum heimsins, lært rússnesku, farið í Diner Dash....

OMG þvílíkar fréttir sem ég hef að færa! Einn heitasti bloggari fyrri ára er snúinn aftur með ferskt og krassandi blogg um lífið sem Lena. Gelgjuköstin, fjölskyldudramað, Framtíðarslúður, vinirnir, djammið... Ég er viss um að það fær allt vissan stað í þessu magnaða bloggi tileinkað Usher!
Hér er linkur: http://www.speninn.blogspot.com