I´m breaking dishes

Úff flensa er ekki ánægjulegur heimilisgestur það get ég sko sagt ykkur. En þar sem ég hafði tíma og ráð á að undirbúa mig fyrir rúmleguna hefur þetta reynst einn af skárri flensudögum síðari ára. Góðvinkona mín Rihanna hefur fengið að njóta sín í vel í spilurunum hjá mér enda eðaltöffari þar á ferð. Svo sakar ekki að hafa splúnkunýjan Gossip Girl þátt til þess að leiða hugann frá hálsbólgunni, svæsið stöff þarna á ferð legg til að allir kíkji á þetta sem fyrst. Íbúfen virkar reyndar fínt við það þó svo að það sé ekki jafn skemmtilegt að svífa í ibuprofenmóki. En best af öllu er að hafa vinkonu í Rio til þess að tala við á MSN um veðrið í Brasilíu, leikskólabörn á Seltjarnarnesi og skrítna drauma. Það er sko alveg satt.