Sumarlíf, gæsluvöllurinn og bíóþrá

Að vinna á gæsló: alltaf í fríi fyrir eða eftir hádegi, stundum 11 krakkar-oft 1, hressandi nesvindur, að sótthreinsa bitsár, símtöl í foreldra sem byrja á þessa leið: já, heyrðu sonur þinn var bitinn til blóðs í fótinn af vini sínum..., hangs og spjall um allt mögulegt, rólóslys= sjúkrabíll og löggan, og svo má ekki gleyma týnda andarunganum sem einhver galvaskur eldri maður elti um allan leikvöll og náði að lokum snaggaralega í sandkassanum, á meðan máfar í drápshug flugu yfir leikvellinum og andamamma karraði hástöfum í fjarska. Jebb, ævintýrin enn gerast og allt það, sérstaklega á gæsló.
Annars er ég búin að setja persónulegt met í steleríi. Ég-Potarinn fær eitthvað nýtt að kjammsa á alla daga, nammi namm. Ég er öll í kósístuðinu, Adele-Radiohead-Coldplay-James Blunt-John Mayer- og svo auðvitað minn heittelskaði...Michael Bublé. Já tónlistarsmekkur minn er að sprengja alla cool-kvarða heimsins, ég veit. Ef einhver af ykkur sér sér ekki fært að vera vinur minn lengur skil ég það alveg, látið mig bara vita. Annars fann ég eitthvað allskostar óvænt í iTunes-inu mínu núna rétt áðan, það er diskurinn hans Mike Larock sem þið getið kynnt ykkur á www.mikelarock.com. Nú veit ég ekki hvort að Mike Larock þessi hafi mútað iTunes til þess að troða sér inn á nokkra varnarlausa notendur eða þetta sé kannski eitthvað svona ,,According to our information you might like this.." dæmi, vonandi ekki samt því ég er nú ekki svona ótöff, held ég, vonandi, plís. En já hann segir lög sín vera ýmist pop-rock, rock, reggae-rock, hard-rock, soft-rock, country blues eða experimental disco. Talandi um óákveðni.
Ég held samt að ég hendi herraLarock út.


PS: Ég elska So You Think You Can Dance
PS2: Ég elska líka Google
PS3: Mig langar svo í bíó!

ÚFF hvað þetta var gaman!

My god hvað ég elska skelduna! Enda ekki annað hægt, endalaus bjór (þó að nokkrir hafa fallið til jarðar í stuðinu), endalaust djamm (þó að nokkrir tímar hafi farið í svefn), endalaus tónlist (þó að ég hafi misst af slayer), endalausir brandarar ( þó að sumir hafi fallið í grýttan farveg) og endalaus hamingja (ekkert þó að hér, bara punktur). Nú er ég að borða gulrótakökuna hennar Lenu og drekka bjór og hlusta á Lupe Fiasco, lífið er ljúft að eilífu amen. Allavega á sumrin.