2004 í máli og myndum.....
Pólitíkusar misstu sig í rifrildum og lá við að skyri yrði hent að alþingismönnum í annað sinn, þvílík var reiði fólks á ýmsum atburðum...
Stríðið í Írak reyndist Bandaríkjamönnum erfiðara en þeir héldu og enn virðist engin lausn....
Rosalegt sumarveður helltist yfir landsmenn og veðurblíðan hefur sjaldan verið meiri...
Kláruðum fyrsta árið í menntaskóla og hófum annað, tíminn flýgur...
Ferðuðumst til stórborgar norðursins og sáum mesta töffara Akureyrar taka rúntinn ásamt Celen Dion mixinu sínu...
Skemmtum okkur vel í afmælum og átklúbbum og böllum og svo framvegis...
Bandarískir framhaldsþættir um líf og ástir fólks í OC héraðinu tröllriðu flestöllum mánudagskvöldum fyrri hluta ársins... (þess má geta að Edda heillin á ALLA seríuna og ég bíð í ofvæni eftir OC-maraþoni!)
Mörg tár vökvuðu fagrar kinnar, þó alltaf væri stutt í gleðina...
Bílprófin komu í hrönnum og allt í einu voru allir farnir að sporta litlu litlu korti sem er þó svooo þýðingarmikið...(fæ mér mitt í janúar)
Plön um Ítalíuferð næsta sumar héldu lífinu í mér og Auði við vinnuna í Grasagarðinum... (set hér með fund heima hjá mér 2 janúar klukkan 3)
Lítið var um gistipartý en skellihlátur vegna umræðna um geispa klukkan 5 nóttina fyrir gamlárs björguðu held ég því að mestu....;)
Fólk varð 17 ára með misjöfnum hraða og var því að sjálfsögðu ætíð fagnað vel og lengi, óska hér með öllum til hamingju með þann merkisviðburð...
Yfirhöfuð lít ég til baka á árið 2004 sem mikið breytingaár og vangaveltur um tilgang lífsins og hvað framtíðin bæri með sér voru miklar. Held samt að árið hafi einhvernveginn flotið framhjá hægt og rólega án þess að maður tæki eftir því, engir stórviðburðir svo sem. Legg til að á næsta ári finnum við eitt stikki nýja hefð þar sem átklúbbarnir og Akureyrarferðirnar hafa farið svona vel í okkur. Minnist þess að við ætluðum alltaf að skella okkur í sumarbústaðaferð, þar sem ég hef aldrei tekið þátt í öðru eins hvet ég til þess að við skellum okkur á nýju ári. Svo vil ég að lokum þakka ÖLLUM fyrir samfylgdina gegnum árið og þið vitið að án ykkar gæti aldrei verið jafn gaman. Óska ykkur gleðilegs nýs árs og minni ykkur á að vera þakklát fyrir það hvað þið hafið það gott miðað við marga aðra og hvet ykkur til þess að taka þátt í peningasöfnun Rauða Krossins.