Britney

er snilli. Afskaplega ljúf stúlka (eða kona réttara sagt orðin hvað 27 ára?). I was born to make you happy er uppáhalds. Enda besta lagið hennar. Shit, einhverntíma verður maður eins og liðið núna sem var lítið þegar Madonna var fyrst fræg. Orðin fertug ennþá að hlusta á Toxic í góðu stuði. Fokk. Þá verður Britney okkar orðin 47 ára, búin að gefa út hellings af safnplötum. Stuð. Mig langar í britneybol. Myndi klárlega ganga í honum upp á hvern dag. Konan er líka búin að vera á forsíðu Rolling Stone alveg 5 sinnum. Það er megamikið.

Var samt að finna þetta og er farin að efast um hve töff Rolling Stone getur verið, þessar gellur eru á forsíðunni?


Guð nei ég er alveg búin að skipta um skoðun eftir nánari athugun, Rolling Stone=ekki kúl.


Ekkert diss á Mariuh, allir eiga sín tískuslys en shit girlfriend er í tígrisdýrabikiní með vasaljós? shíís

Summerland

Hver man ekki eftir blómadögum hans í Summerland? Þar var líka Zac Efron í góðu stuði grátandi. Það þykir víst merkilegt á youtube. 417.000 manns búnir að kíkja á þetta myndband:


Þetta lag heyrði ég á hlaupabrettinu í gær, það hafði truflandi áhrif á mig:


Jæja þá hringdi korter í fimm bjallan á hlöðunni og ég get hætt að látast.

Gossip Girl

Ég var virkilega vonsvikin eftir að horfa á síðasta þátt Gossip Girl. Jafnframt hálfmóðguð, ég meina fyrir hverja halda þessir handritshöfundar að þeir séu að skrifa? Oft er gott og vel að endurnýta, til dæmis batteríur og seríoskassa. En sögþráð í sjónvarpsþáttum skal ekki endurnýta. Hvað þá á jafnaugljósan hátt og handritshöfundar Gossip Girl eru að gera þessa dagana. Hafa þeir enga virðingu fyrir lagtímaminni áhorfenda? Ég meina come on, nýi kærasti mömmu Blair? Gæti þetta verið meira copy-paste frá Sex and the City? Óaðlaðandi skilnaðarlögfræðingur? Erum við að tala um Charlotte og Harry. Fyrir utan að þeir velja leikarann sem lék The turtle sem Samantha tók svo eftirminnilega að sér í níunda þætti fyrstu seríu. Step up your game people! Snap to it og finniði eitthvað örlítið minna næntís! Og nýi kærasti Serenu? LJÓTUR! Fínkembduði Hollívud og funduð ekkert betra fés en þetta? Seriously laaame.

Á ljúfari nótum hef ég fundið mér nýjan uppáhalds unglingadramaþátt. 90210, sem er einmitt dæmi um vel heppnaða endurnýtingu. Þarna er allt að finna til þess að halda manni á tánum. Gúd stöff.

En í alefstafyrstamestabesta sæti á sjónvarpslistanum mínum þessa dagana er DEXTER. Fjúfff þennan þátt hef ég látið vera að kíkja á í allt of langan tíma en sem betur fer kom eitthvað gott úr síðustu veikindatörn minni. Í leiðindum mínum fór ég út í vídjóleigu og náði mér the old fashion way í smá entertainment. Þessi fyrstu átta þættir voru yndislegir. Ég elska Michael C. Hall hann leikur bara í góðum þáttum. Six Feet Under eru líka megaþættir. En ekki jafngóðir og Dexter. Gaman að vera skotin í raðmorðingja. Hvern hefði grunað.

Bush 2000

Hún mamma mín var að minna mig á nokkur símtöl sem ég gerði til hennar alla leið til Finnlands þar sem hún var stödd til þess eins að ræða um þennan Bush gæja. Ég hafði víst ekki mikið álit á tilvonandi forseta Bandaríkjanna. Fannst hann eiginlega bara fáviti.

Árið 2000 var ég 12 ára. Stundum verður maður bara stoltur af sér. Ekki oft. En stundum.

Obama/McCain 4. nóvember

OBAMA 5. nóvember

kossar,
Guðrún

Framtíð Guðrúnar

Allt í einu er ég farin að plana líf mitt 2 og 1/2 mánuð fram í tímann með 3 mismunandi dagatöl og reiknivél, hvernig gerðist það? Þetta þykir mér mjög fullorðins.Ég hef mínar efasemdir um allt fullorðins.

Ég er að hugsa um að gefa mér smá spark í rassinn, samt ekki núna. Núna er klukkan fimm mínútur í þrjú, ekki rétti tíminn fyrir sparkírassinn. En seinna pottþétt...bráðum. Það tengist þessum vettvangi, sparkið það er. Einstaklega spennandi, þetta spark.

Helgin fór ekki eins og ég planaði. Í staðinn fyrir almenna gleði og lærdóm lá ég í rúminu. Allan daginn. Þrjá daga í röð. Mjög óspennandi stöff. Búin að horfa aðeins of mikið á sjónvarpið.
Næstu helgi ætla ég að fara í felur til Akureyrar ásamt námsbókunum. Þar mun ég sitja í lesrými bókasafnsins og skrifa ritgerð.

Árið 1908 var fullkomið lýðræði í Reykjavík.

Ef ég er heppin fæ ég kannski líka smá ömmubakstur.
Jæja ég hef enn á ný valdið mér gríðarlegum vonbrigðum með andleysi. Eina sem þetta blogg hefur sér til varnar er myndin af Rúrý ömmu berfættri á mótorhjóli. Segjum þetta gott.
Bless.