Ökuskóli, stærðfræðipróf og Den kroniske Uskyld.

Jújú helgin er búin að vera alveg hreint æðisleg hjá mér, ég meina hvað er hægt annað?
Byrjaði báða dagana á því að fara í Ökuskóla 2 í nokkra tíma þar sem Jónas kallinn pirraði mig meira en nokkur önnur manneskja hefur gert í laaaangan tíma. Sleppti 2 partýum á föstudagskvöldinu til að fara að ná í pabba minn á flugvöllinn með mömmu. Sendi stelpurnar til Siggu á laugardagskvöldið þar sem ég hætti við að nenna að fá þær til mín. Með heilt kvöld bara fyrir mig sá ég mér þess vænstan kost að nýta tímann vel, gera efnafræðiskýrslu, horfa á save the last dance með öðru auga og lesa kjörbókina mína í dönsku. Kom vel út og ég fór að sofa sátt. Pabbi entist heima í heilan dag og fór svo til Akureyrar að mála. Ég er því ein heima með Heiðu og Reginn frænda okkar, og fæ pizzu í matinn!!! Víhí! Það gerist ekki oft á mínu heimili, en þegar mamma er í öðru landi leyfist margt:) Reyndar fékk ég ókeypis gos og sósu því stráknum sem tók pöntunina fannst þetta svo mikið okur hjá Dominos að tvær pizzur og brauðstangir kosti 4000kall. Það fannst mér skondið.
Svo er Kroniken í kvöld, svar dana við The OC. Ég verð límd við skáinn eins og vanalega á sunnudagskvöldum:) Jæja ég hef ekki mikið annað að segja núna.
Hljómsveit dagsins: Íslenska reggai hljómsveitin Hjálmar. ( einn fyndnasti hljómsveitarmeðlimur sem ég hef séð ever er í henni;)
Lag dagsins: Hjálmar=Kindin Einar.

Vetrarfrí!

Það er allt að gerast, eða er búið að gerast. Árshátíðin var á fimmtudaginn, skemmtileg þrátt fyrir tilraunir Ómars Ragnarssonar til að drepa mig úr leiðindum yfir matnum. Fyrirpartýið var skemmtilegast að vanda. Svo kom vetrarfríið langþráða, ég er búin að nýta það vel. Ekkert búin að læra hingað til, verð samt að fara að huga að þessu.
Skemmtilegt afmælispartý hjá Soffu og Eddu í gær, gott nammi, fullt af gosi og góðu fólki. Fín blanda:) Helst stendur upp úr að Egill og Auður gerðu jafntefli við mig og Siggu í Mr. and Mrs. spilinu. Ekki nógu sniðugt. Fór með Helgu að kaupa gjafir og það var massíft eins og Sigga myndi segja það. Tók okkur klukkutíma að keyra í Smárann og kaupa 2 gjafir. Rosalegur árangur hjá okkur, ætti að komast í heimsmetabók Guinnes. Svo fór Helga að leika sér með selunum. Man nú ekki mikið hvað annað hefur verið í gangi þessa dagana en það er vafalaust mikið meira en þetta bull.
Myndir úr afmælinu eru komnar á síðuna! + Myndirnar hennar Eddu ;)

Alone again.....naturally

Jú eins og titillinn gefur til kynna hef ég eytt miklum tíma ein með sjálfri mér síðustu daga. Veikindin halda áfram og á morgun fer ég til læknisins. Það verður gaman, ævintýri, ég hef ekki farið til læknis síðan ég var 6 ára eða eitthvað með eyrnabólgu þannig að þetta er mikill furðuheimur fyrir mér, læknastofan. Vonandi verður læknirinn góður við mig, ef ég fæ lakkríshóstasafn dey ég, það er vibbbbbi.

Ég er búin að nýta dagana vel, í gær horfði ég á Love Actually og borðaði toblerone. Ein heima...klukkan hálf tólf um daginn, það var gaman. Svo þegar gaurinn sem átti eiginkonuna sem hélt fram hjá með bróður hans fór til Frakklands einn og sagði Alone again..Naturally þá fann ég rosalega til með honum. Pabbi kom heim síðasta laugardag frá Hollandi með fyrrnefnt toblerone og hljómborð handa mér:) Ég er búin að vera að spila á það og skemmta mér vel með heyrnatól og svona. Það er svo kósý að enginn heyrir hvað ég er að spila nema ég, kemur sér vel þar sem ég er mjööög léleg. Búin að endurnýja kynni mín við A little notebook for Anna Magdalena Bach ef einhver skilur hvað ég meina. Það er samt bara gaman, vekur upp minningar frá Grandaskóla. Svo verð ég vonandi bráðum betri svo ég getir farið að færa mig yfir í skemmtilegri verk.

Ætlaði að blogga í gær en komst ekki inn á bloggsíðuna mína, það minnti mig á þegar Sigga sagði að það væri vegna þess að stjórnendur blogger stríddu fólki alltaf einn dag í mánuði með því að leyfa því ekki að komast inn á bloggin sín og ég trúði henni, makalaust hvað maður getur verið auðtrúa. En svo má svo sem líta á það þannig að ef eitthvað skrítið gerist, eitthvað ótrúlega furðulegt, þá á ég örugglega ekkert eftir að verða hissa. Ég trúði því til dæmis að Signý væri að flytja til Kópaskers því foreldrar hennar ætluðu að upplifa draum sinn um að reka matvörubúð og að hún ætti hund sem væri grænn eða bleikur eða eitthvað því systir hennar hefði spreyjað hann. Fannst reyndar soldið skrítið að hafa aldrei séð hundinn en það var aukaatriði. Svo er eitthvað miklu meira sem ég man bara ekki eftir.

Mr-Ví dagurinn er á fimmtudaginn og viku seinna er árshátiðin og ég hlakka til:) Það er reyndar eitt fínt við að vera veikur, ég eyði engum peningum. Það er kominn fimmti og ég hef ekki eitt neinum pening. Það hlýtur að vera met, allavega í seinni tíð. Oftast fer ég yfirum þegar ég fæ vasapeningana mína og eyði 1500 kr. á tveimur dögum. Alltaf að vera jákvæður.
Við sjáumst síðar vinir góðir, kannski á morgun, kannski á fimmtudaginn, kannski um helgina...það er aldrei að vita....
Lag dagsins: Bob marley-allt með honum því hann er svo cool.