Fimmtudagsbrjálæði.....

Nú er komið að því að nýta sér hina miklu meiriháttar visku sem ég safnaði mér saman í sumar og skella henni allri í meiriháttar spænskuritgerð. Af hverju skrifa ég þá í Blogger en ekki Word? Mikla meiriháttar viskan virðist hægt og rólega vera að hverfa og ég er komin í sama farið.
Þessi vika er búin að vera meiriháttar. Svaf í gegnum mestallan skóladaginn á mánudaginn og er svo búin að vera á barmi svefnsins síðan þá. Þreytan lætur sko á sér kræla. Í dag er ég svo búin að vera að skemmta mér við að fara með flöskur í Sorpu enda kominn tími til. Hálf eldhúskompan komin undir pokaflóð. Að því mikla verki loknu var ég orðin 4000 kr. ríkari. Sem er meiriháttar. Eftir morgundaginn mun ég líklegast aftur vera 4000 kr. fátækari. Þarf nefninlega að borga staðfestingargjald fyrir hina meiriháttar mögnuðu rafting ferð skólans sem ég og allt hressa fólkið ætlar að fara í. Það verður sko meiriháttar;D
Það sem verður líka meiriháttar er ef ég fæ 1/2 fyrir að segja að contention=hugmynd á enska glósuprófinu. Þetta hefur verið að angra mig alveg meiriháttar í allan dag.
Meiriháttar er alveg meiriháttar meiriháttar orð!
Engin ofnotkun á orðinu meiriháttar fór fram í þessum pistli.
Sjáumst um helgina, eða ekki....

Ég tek fyrri orð mín til baka, aldrei hefur gengið jafn brilliant að skrifa spænskuritgerð. Eins og í sögu. Eitthvað hefur þá komist í gegn í spænskutímunum...