Dólgslæti á miðvikudegi

Ég er stórbrotamanneskja. Nú hef ég verið stoppuð tvisvar af löggunni. Í fyrra skiptið var ég á leiðinni heim frá Auði um miðja nótt kvöldið áður en við fórum til Spánar. Seinna skiptið var í gærkvöldi. Við vorum stoppuð og sektuð fyrir dólgslæti. Það finnst mér svolítið skemmtilegt. Mömmu fannst það líka þegar ég sagði henni frá því áðan. Lena hefur hins vegar lítinn húmor fyrir þessu. Enda samviskan uppmáluð. Dólgurinn.
Í dag er árshátíðardagur og þess vegna fór ég ekki í skólann heldur borðaði góðan morgunmat og spilaði froskaspilið og dansaði setudansinn og horfði á skemmtiatriði. Og núna er ég ekki að fara að læra heima heldur kaupa sokkabuxur og taka mig til og klæða mig í kjól og fara í árshátíðarmat og árshátíðarfyrirpartý og árshátíð og árshátíðarrútu. Sjáumst seinna þegar árshátíðin er búin og kominn venjulegur dagur.