Hver segir að fyrsti dagurinn í vinnunni sé leiðinlegur?

Í dag sat ég á Austurvelli í góðu veðri, reytti illgresi og hlustaði á æfingu hjá Jon Spencer fyrir tónleika í kvöld á Nasa og fékk borgað fyrir það. Ég er að vinna í hallargarðinum niðri í bæ. Hann er fallegur. Það er líka hallarturninn sem við fáum að búa í. Um hádegi var ég samt orðin þreytt enda ekki vön því að vakna korter í 7. En þá fórum við, konungsbornu garðyrkjumennirnir í ráðhúsið að borða með hunkalisious byggingarverkagaurum. Þeir voru sætir og sólbrúnir og héldu mér vakandi ásamt Pepsi Maxinu sem ég fékk með matnum. Vonandi verða þeir alltaf þarna mér til yndisauka. Ég er stórt barn. Nema að fullorðnum finnist gaman að liggja undir runna og fela sig fyrir rigningunni. Þá er ég fullorðin.

Eurovision

Það hefði nú ekki skipt máli þó að þessi hefði sungið um eðlisfræði. Ég hefði samt fylgst agndofa með. Rússland geymir greinilega mega-fine gaura.

Gaman í gær. Skemmtilegt kvöld. Þangað til töskunni minna var skammarlaust hnuplað. Ég er gríðarlega ósátt. Nú þarf ég að fara að vesenast fullt og fá nýtt af öllu.

170 g hamborgari.

Erfitt að kyngja 170 g hamborgara. Líka þessu: Chris Daughtry rekin úr Idol í kvöld. Ég var næstum því farin að gráta. Ég ætti frekar að gráta yfir því hve mikið ég er inni í þessu öllu saman. Ég má ekki missa af einum einasta þætti. Nei nei nei. Grátbroslegt. Nú verður næsti þáttur svo fyrirsjáanlegur. Kat og Elliot fara auðvitað í úrslitin. Þau eru sko langbest finnst mér. Úff þetta eyðilagði alveg fyrir mér þetta líka fína kvöld.

Habbý átti afmæli í gær og kláraði prófin (næstum því) í dag. Hún er sæt og heppin stelpubons. Þrátt fyrir að vera á leiðinni í stærðfræðipróf á miðvikudaginn fann ég tíma til þess að fara ásamt fríðu föruneiti í rosa sumarstemningu í grill og fótbolta út á túni í tilefni þess. Það var ógeðslega gaman og sumarlegt og hressandi eins og perusafi. Bara 2-3 dagar eftir og þá verður þetta daglegur viðburður!

.Torture.Me.
Torture Me,
Until I Die,
I'd Rather Be In Hell,
Than Cause You To Cry.

Hope I Die Slowly,
Hope You Put Me Through Pain,
Hope You Push Me To Madness,
Hope You Drive Me Insane.

Like Scissors Through My Heart,
A Blade In My Skin,
As The Blood Flows Out,
Of The Holes From Within.

Leave Me Here To Die Bitch,
Leave Me To Bleed,
Let Me Die Alone,
It Was Never Meant To Be.

Ekki halda að ég sé farin að skrifa ljóð. Fann þetta með google. Jamm, þunglyndir litlir unglingar í bandaríkjunum sem vita ekki að á eftir kommu kemur ekki stór stafur. Æææ. Ég sleppti svona 20 öðrum erindum inn á milli. Æ æ. Greyið. Já, ég segi nú bara við þig ástsjúki goth krakki: Prófaðu að vera í vorprófum.
Nei þetta meinti ég ekki.

You scored as Art. You should be an Art major! How bohemian! Art 100% Sociology 100% Dance 92% Journalism 92% Anthropology 83% Theater 75% English 67% Philosophy 58% Linguistics 58% Engineering 58% Psychology 50% Mathematics 50% Biology 33% Chemistry 25% What is your Perfect Major? (PLEASE RATE ME!!<3) created with QuizFarm.com

Ógeðslega er ég fegin að þurfa aldrei aldrei aftur að stara út í loftið í efnafræðitíma (Tjékkið á neðsta faginu). Hins vegar hef ég áhyggjur af næst neðsta og næst-næst neðsta. Ég er á rangri hillu í lífinu samkvæmt þessu, nei ég er í röngu herbergi í lífinu samkvæmt þessu. Ég ætla að skipta yfir í lista-félagsfræðibraut í MH og fá einingar metnar fyrir dansnámið í Listaháskólanum. Ég mun skrifa dálka um leiklist og mannfræði í helgarblaðið endrum og eins fyrir aukamonní.

Blogspot lá niðri fyrr í dag, ég tók að sjálfsögðu mikið eftir því enda háð blogginu mínu eins og sumir eru kaffi. Ég er voða glöð að það er farið í gang aftur.

Ég tróð rauða hægindastólnum úr stofunni út á svalir áðan, svo notaði ég koll úr eldhúsinu sem borð og var búin að skella mér þarna niður með tónlist á fóninum, líffræðibókina í fanginu og pizzu í ofninum. Nokkrum mínútum síðar kom randafluga. Risastór hlussa, drápsóð líka, ég sá það á henni. Hún lét mig ekki í friði og ég hrökklaðist að lokum aftur inn í stofu (lá á gólfinu þangað til henni þóknaðist að fara aftur út í garð). Ég hata randaflugur. Þær tala líka svo asnalega.

Vá fortíðarþrá í miðjum prófum. Hve oft hef ég ekki lent í því. Fór á opinn dag í Grandaskóla í gær og skemmti mér vel með Hildi og Siggu. Held ég hafi yngst um svona 7 ár bara af því að vera þarna. Svo í tilefni þess og forvitni og vegna þess að efnafræðin er ekkert allt of áhugaverð einmitt núna fór ég að skemmta mér á google að leita að gömlum myndum. Það gekk líka svona feiknarvel!

Sigga og Signý bíða í röð. Kjánaleg regla. Sé mig alveg fyrir mér að bíða fyrir utan gamla skóla.

Anna og Hildur skemmta sér vel á þemadögunum Afríka

Þarna sést glitta í Helgu að dansa ásamt Agnes de Bourgh, hvar er hún núna?

Fann þessa líka sætu mynd af Heiðu systur með Hildi og Tótlu, já einu sinni voru allir litlir.
Haha þessi er langbest. Bekkurinn í danskennslu, sést vel í Hildi að vanda sig mikið. Ég er þarna rétt fyrir aftan hana í svarti og appelsínugulri peysu.

Og svo glæsilega bekkjarmyndin okkar úr 7.bekk. Ææææ ég vil vera lítil og minni og minnst en ekki 18 og hálfs árs að fara í fullt af stúdentsprófum. Hvert fóru þemadagarnir og heimakrókur og smíði og handmennt og miðrými og svo auðvitað jóla-,páska-, sumar-, haustskrautið sem maður var alltaf að dunda sér við? Ég sakna þess þegar Hildur var best að teikna og Anna átti alltaf vettlinga og Steinvör var notuð sem kossavopn gegn strákunum og það mátti ekki fara í skóginn en við lékum okkur samt í bangsaleik þar og yfirvallanna og bekkjarleikja í fótbolta þar sem maður klúðraði nú ýmsu og páskaunganna sem er víst hætt að hafa núna vegna fuglaflensunnar.

Ég man þegar ég átti að mála mynd af mér í framtíðarstarfinu og ég málaði mig sem sjoppukonu vegna þess að þá gæti ég borðað fullt af nammi. Sá draumur rættist síðasta sumar. Hvað er þá eftir? Ég fékk 6 á fyrsta efnafræðiprófinu mínu í 6.bekk hjá Erni sem er núna orðinn skólastjóri. Gvöð, það er nú ekki hægt að búast við miklu af mér eftir þá frammistöðu.

Jæja best að halda áfram. Búin að skemmta mér allt allt of lengi við þetta.

Ég var búin að borða hollt hálfan daginn þegar ég mundi eftir því að í dag er Megrunarlausi dagurinn. Shit, bætti nú fljótt fyrir það með því að fá mér All American Chocolate Chip Cookies sem innihalda Sykur, sætuefni, rotvarnarefni og súkkulaðibita. Held ég fái mér síðan líka kók og snúð á eftir. Haha.

Agricultural development

Ég var í munnlegri ensku í dag. Þar tjáði ég mig af mikilli færni um agriculture og the economy og geography og Shredni Vashtar. Svo fór ég heim og borðaði of mikið af nammi. Svo fór ég í ísbíltúr án íss. Það er ekki jafn skemmtilegt og með ís. Svo fór ég í perluna. Svo fór ég í kringluna. Svo fór ég í bæinn og skoðaði stór föt og keypti tvö diska. Svo hlustaði ég á einn þeirra, Cat Power-You are free, hann er massa. En ég hlustaði ekki á hinn, Arctic Monkeys-Arctic Monkeys, vegna þess að ég horfði á Edward Scissorhands. Hún var góð. Svo fór ég að ná í pabba minn í vinnuna. Svo fór ég í tölvuna að skoða póstinn minn. Svo fór ég að skrifa um daginn minn. Núna er ég búin að skrifa um daginn minn.
Bless.