Beikon

Ég á í funheitu ástarsambandi við beikon. Hættuleg, forboðin ást. Ég borðaði tvær sneiðar áðan. Mig langaði í meira en fékk mér samt ekki.

Ég fór í Kringluna áðan. Þar sá ég skrýtið fólk, helst stráka þó. Það hlýtur að vera kostnaðarsamt að klína heilli brúnkukremstúbu á sig á hverjum degi. Biggi keypti sér græna peysu. Hann notar samt ekki brúnkukrem, held ég.

Ég fer á Gettu Betur í kvöld. Þá arka ég á Fiskislóð. Samt ekki vegna þess að ég fer á bíl.

Ég gerði í dag 37 armbeygjur. Það gerist ekki nema einu sinni á ári. Í leikfimitíma. Samt geri ég oft armbeygjur, bara færri.

Ég fann krot á bakinu mínu í dag. Það var frá Herdísi og var dónalegt. Ég vissi að hún krotaði á mig, hélt samt ekki að það væri með alvöru penna.

Ég skrifa alltaf orðin ,,Ég" og ,,samt" í hverri málsgrein.