Bangsi og kjúklingur

Skemmtilegasta barnaefni í Heimi er Bamse og Kylling.

Í gær festi ég golfkerru á grasþúfu ofan á Arnarhóli, það var stuð. Í dag rólaði ég mér og fór í nútíma vegusalt og lék mér með samankuðlaða hanska. Krakkar í dag eru latir, þeir nenna ekki að vega salt svo það er gormur á miðju vegasaltinu og þeir þurfa ekkert að gera neitt nema að sitja. Það var ekkert til svona þegar ég var krakki.

C to the elebrity

Blaðið er nú orðið mitt uppáhaldsblað. Jim Smart kætti mig umtalsvert í morgun þegar ég kom sjúgandi upp í nefið með strepsils í munninum inn í eldhús og fann þetta á forsíðu Blaðsins. Nú er ég orðin alvöru celebrity. Skítt með að Sigga hafi verið í Marie Claire og Soffa í öllum tískublöðum landsins. ÉG var í BlaðINU. Sem er greinilega mun betra og merkilegra. Ég fæ líka fallega umsögn hjá þeim, Blómarós í beði og ung snót er meðal annars notað til að lýsa mér. Ok það er það eina sem er notað til að lýsa mér. Samt kúl.
Gærdagurinn var góður dagur. Jim Smart tók mynd af mér, Halli átti afmæli, fór út að borða á eldsmiðjuna, ég rústaði Halla, Gauja, Möggu og síðast en ekki síst Herdísi í keilu...góður dagur. Ég er mjög stolt af því síðasta á listanum. Já þau gerðu grín að mér fyrir að nota léttu fjólubláu kúluna en sá hlær best sem síðast hlær. Sérstaklega þegar sá sem síðast hlær nær fellu í lokin og undirstrikar glæsilegan sigur.
Í dag er ég hins vegar heima veik. Alheimurinn virðist hins vegar vera á mínu bandi. Sigga bauð mér í afmælið sitt í morgun og Blaðið fjallaði um mig. Svo er líka OC endursýnt klukkan 16:10 og þá ætla ég að vera við tækið. Einnig hef ég góða bók að kúra með uppi í rúmi. Flugdrekahlauparinn, bendi öllum á hana. Megafinebók.
Sjáumst síðar lýðar!

Áðan fór ég á Sólon. Það var eitt af fáum kaffihúsum opið á þessum mikla hátíðardegi. Annars fer ég nú ekki þangað venjulega. Ég var búin að sitja þarna í dágóða stund og farin að velta því fyrir mér hvað ég hefði svona mikið á móti þessum ágæta stað. Þá kom Björn Jörundur inn og einn af gestunum frussaði bjór á hann. Þá áttaði ég mig á því. Svona kemur ekki fyrir á gömlu góðu brennslunni. Né prikinu. Svona kemur bara fyrir á Sólon. Sólin var góð við mig á laugardaginn. En nú er hún farin aftur.
Ég hef ekki bloggað lengi lengi. Það var út af því að ég gat ekki sett myndir inn á. En nú virkar það aftur og þá blogga ég aftur.
Farin að skoða nýja húsið hennar Siggu.