Siemens S35

Kæru öll sem hafa eytt deginum við þrátlausar tilraunir til þess að ná í mig,

gemsinn minn gamli hefur því miður gefið upp öndina. Þetta var kannski fyrir bestu, hann var orðinn svo veikur og leið hálfilla mestalla daga. En hann var góður félagi jafnt í stríðu og blíðu og því hef ég ákveðið að halda minningarathöfn honum til heiðurs á morgun á Kaffibarnum. Allir vinir og vandamenn gemsans eru velkomnir, frír bjór meðan byrgðir endast. Mæting upp úr átta. Þeir sem vilja votta gemsa virðingu sína geta einnig lagt peningaupphæð inn á þróunarsjóð Siemens en bankanúmerið er: 512-26-gemsi8>. Vonast til þess að sjá sem flesta,
Guðrún Rós

"The lights are down, the candles are lit, the bath crystals provide a beautiful enveloping aroma. The serene music seemingly floats on the steam. You take a sip of wine, lie back and enjoy the feeling of relaxation that pervades every muscle in your body... It really doesn’t get any better than this."


Snilldarfjárfesting hjá mér! Einstaklega gott að sofna út frá þessu. Næst fæ ég mér samt klárlega sjávarhljóð:

"The sea, timeless, rhythmical and ultimately soothing. The therapeutic effects of listening to the sea are well documented, so sit back, relax and let the sound of the ocean flow over you."


Gugga tjillaxari

Heyrðubídduhvað?

Sigga og ég fórum í vettvangsferð um daginn á róló, hver hefði vitað að þetta tryllitæki væri til staðar í götunni minni?

Enn ein leikskólasagan þar sem ég lifi innihaldslausu lífi utan vinnu. Ræddi við eina af stelpunum um daginn um drauga og hún sagði mér mikið og lengi frá Carlsberg-draugnum sem hún ætti á spólu heima hjá sér. Krúttið var að meina Casper. Kvikindið ég lét uppeldisreglur afskiptar og leiðrétti hana ekki, þetta var bara of fyndið.

Á laugardaginn reyndi ég að vera hip og cool og fara á DJ Premier á Gauknum, borgaði heilar þrjú þúsund krónur fyrir herlegheitin. Það verður síðasta tilraun mín til þessa í langan langan tíma. Mætti um tólf og beið til hálf þrjú eftir að kallinn mætti á sviðið, þá spilaði hann í einhvern skid og ingenting tíma og lét sig hverfa aftur. Ég gafst upp eitthvað að nálgast 4 ekki sátt. Það er ekki fyrir alla að vera kúl.

En hvað segið þið þöglu lesendur?

Ælon-Nylon

Vá í fyrsta skipti átta ég mig á tilgangi Nylon í veröldinni. Ein af stelpunum kom með Nylondisk á leikskólann til þess að hlusta á í samverustund og viti menn blessuð börnin voru eins og englar að hlusta á Closer og fleiri dásemdarlög. Nylon=deyfingarlyf fyrir 3-5 ára.

Samt var það fyndið þegar litla frænka hennar spurði mig hvort þetta væri Æl-on. Jújú, það gat ég alveg samþykkt, þetta er sko eitthvað til þess að ælon.


Pakkfull helgi framundan, 2 partý á laugardeginum úlala!

Smell you later -gaters.

Bloggfærsla númer 203=Leikskólalíf

Undanfarnar vikur hef ég starfað á leikskólanum Mánabrekku á hinu gullfagra Seltjarnarnesi og hef þar notið aðstoðar Siggu Gangsta-Gyðu við að koma mér inn í nýja djobbið og aðlagast leikskólatempói enda ráðin sem eftirmaður hennar á hinni stórskemmtilegu deild Grænumýri þar sem uppátækjasöm 3-4-5 ára börn ráða ríkjum en stúlkan sú (S-igga) ætlar sér að dvelja í Buenos Aires um hríð að stúdera spænskar sagnir.
frh síðar, farin á kaffihús að stunda kynsvall og sukkerí

Part 2: Já, eins og ég var að segja er stuð á leikskólanum Mánabrekku og þar á ég í ýmsum hressum samtölum við krakkana. Til dæmis þessu:
Ónefnd stúlka: Heyrðu heyrðu, veistu ég var síðust að koma aftur inn á deild.
Ég: Nú, af hverju?
ÓS: Út af því að ég var bara að kúka svo mikið.
Ég: Umm, jáá það er bara það.

Kvót dagsins kemur frá óvæntri átt: Dóttir þín er fáviti.