Rigningar-sunnudagur

Líklegast síðasti rigningarsunnudagurinn í einhvern tíma líka. Í dag kom maður í búðina sem ofnotaði hið skemmtilega orð ,,brill" allmikið. Það var nú samt bara hressandi. Hugsa að ég fari að nota það líka. Þetta var rosalega brill sunnudagskvöld. Samt meira svona haust-stemning. Indæl stemning á kaffihúsi í rigningunni. Ég held að það sé einhverskonar keppni í dag í þreytu. Fólk kepptist alveg við að sofa sem lengst út, fjölskylda mín vaknaði til dæmis þegar ég kom heim úr vinnunni um 4 leitið. Missti greinilega ekki af miklu. Sofnaði svo til 8 sjálf. Held ég hafi sjaldan verið með hóp af fólki sem var allt sammála um að fara bara heim að sofa klukkan 11 á sunnudagskvöldi.
Á föstudaginn verður svo síðasta djammið áður en ég fer út. Bryggjuhátið á Stokkseyri í góðra vina hópi. Please láttu það vera heiðskýrt og rigningarlaust. Það væri brill.
Nú er komið smá stress í mann. Þarf að fara að drífa ýmislegt af. Það er víst líka eins gott að vera tilbúin með allt ef ég ætla að hafa séns á því að taka föstudagskvöldið og hálfan laugardaginn í partýstemningu;)
Er að hlusta á Forget her með Elliot Smith, það er fallegt.