Vá bara 5 dagar í allt þetta! Undur vaktavinnu gerir það að verkum að ég á bara einn vinnudag eftir fram á sunnudag...endilega kíkíð á mig á fimmtudagskvöldinu, sveitta yfir beikonpylsunum. Eða meira nammibarnum, ekki sniðugt að vinna í kringum nammi allan daginn. Ég hef örugglega þyngst um 10 kíló síðan ég byrjaði þarna. Sem er ekkert sniðugt...
Er að dunda mér við fataskápinn minn. Ótrúlegt hvað ég á erfitt með að henda fötum sem:
a) pössuðu síðast á mig í 8. bekk.
b) eru rifin og skemmd
c) ég hef aldrei gengið í og skil ekkert í mér að kaupa.
þar af leiðandi er núna snyrtilegur bunki af peysum og bolum sem munu fara beint í Hjálpræðisherinn, og ég er bara búin með tvær hillur! Ekki furða að það er alltaf drasl þarna inni.
Svo er líka kominn nokkuð minni bunki af Spánar-hæfum fötum. Þetta er samt bara partý. Skil ekkert af hverju ég var ekki búin að þessu fyrr...skipulagshæfileikar mínir eru að koma í ljós. Big time.
Ég hata að geta ekki náð í fólk sem á að heita í vinnunni. Símsvarinn á heilu og hálfu dagana, ekki mætt í vinnu fyrr en 10 og ávallt farin fyrir 2. Og svo er auðvitað hádegishlé þarna inni í líka. Ég gefst ekki upp. Ég mun finna smugu í kerfinu.
Það mun vera 29 stiga hiti í Malaga og sól.