Kæra dagbók!

Í dag er búið að vera mjög gaman. Ég vaknaði klukkan 9:30 og klæddi mig og borðaði morgunmat og setti allt ofan í töskuna mína nema verkbók í lífrænni efnafræði því ég er búin að týna henni. Svo þurfti ég að hlaupa að ná strætó því ég hélt ég væri of sein en svo var ég ekki sein og ég þurfti að bíða eftir strætó í næstum því tíu mínútur og það var kalt. Ég gleymdi húfu. Í strætó sat ég ein en þegar ég kom út úr honum komst ég að því að Herdís og Beggi voru líka í strætó. Ég sá þau ekki því þau voru aftast. Þau eru kærustupar. Ég á ekki kærasta. Þegar ég kom inn í stofu sá ég að allir í bekknum komu með eitthvað á jólahlaðborðið okkar út af litlu-jólunum. Ég var ekki með neitt nema eina mandarínu. Það var samt allt í lagi því ég og Olga Sonja sem býr með ömmu sinni og afa fórum í bakaríið og keyptum súkkulaðiköku og kókómjólk. Okkar kókómjólk kláraðist. Einhver annar kom með kókómjólk en hún kláraðist ekki. Svo opnuðum við pakka og ég fékk kúrekapenna og skopparabolta. Það var flott en nú finn ég ekki skopparaboltann minn. Ég er samt ekki búin að leita vel. Eftir skóla fór ég að ljósrita stærðfræðidæmi úr bókinni hans Gumma með Bigga og það tók langan tíma vegna þess að það var svo löng röð í ljósritunarvélina og svo þurftum við líka að ljósrita svo mörg dæmi og við vorum sko ekki vinsæl hjá fólkinu sem var að bíða! Nú er ég komin heim og var að setja myndirnar mínar á síðuna mína. Áðan ætlaði ég að tala við Heiðu en þá var hún í prófi! Heima! Í tölvunni sinni. Það fannst mér skrítið. Í kvöld verður lambalæri í matinn og Palli og Arvid koma. Í dag er 1. desember en ég fékk samt enga gjöf frá Julenissunum en mamma sagði að kannski hefði þeim ofboðið draslið hjá mér og þess vegna fengi ég ekki gjöf. Ég held að hún sé að ljúga vegna þess að ég sá pakkadagatalið mitt í þvottahúsinu og held að þau hafi kannski bara gleymt því. Ég er samt búin að laga til til öryggis. Nú er ég að hlusta á Celine Dion og Barbara Streisand vegna þess að það er fyndið. Pabbi var að koma heim núna. Þessar myndir tók ég í skólanum í dag:


Eftir þrjá daga fer ég í stærðfræðipróf en ég ætla samt að horfa núna á einn Sex and the City þátt vegna þess að það er svo gaman og það er líka föstudagur.
Bless bless!
Guðrún Rós